Gjallërohet tregtia me pakicë, rritet 6.5% në tremujorin e tretë

INSTAT publikoi të dhënat për tregtinë me pakicë për tremujorin e tretë. Sipas INSTAT indeksi i volumit të shitjeve me pakicë është rritur me 6.5% krahasuar me të njëjtën periudhë një vit më parë. Grupi i Tregtisë me Pakicë (ku nuk përfshihet tregtia me pakicë e karburanteve) ka pësuar një rritje me 8% krahasuar me vitin e mëparshëm.

Në grupin “Ushqime, Pije, Duhan në njësi tregtare të specializuar dhe të pa specializuara”, indeksi i volumit të shitjeve është rritur me 12.4 % për këtë tremujor në krahasim me një vit më parë.

Indeksi i “Produkteve Jo-ushqimore” është rritur në nivelin 5.7% kundrejt të njëjtës periudhë një vit më parë.

Në grupin “Tregti Hidrokarburesh” në njësi të specializuara, indeksi i volumit të shitjeve është rritur me 4.2 pikë përqindje krahasuar me  të njëjtin tremujor të vitit 2015 dhe 17.7% krahasuar me tremujorin paraardhës.

Ndikimi i grupeve kryesore në indeksin e volumit të shitjeve në Tregtinë me Pakicë

Indeksi i volumit të shitjeve në Tregtinë me Pakicë në tremujorin e tretë 2016, krahasuar me të njëjtin tremujor të vitit 2015 është rritur me 6,5 1 %. Grupi “Ushqime, pije e duhan në njësi tregtare jo të specializuara dhe të specializuara” ka ndikuar me +3,0 pikë përqindje; “Artikuj jo-ushqimore në njësi tregtare të specializuara dhe jo të specializuara” me +2,4 pikë përqindje; dhe “Tregti me pakicë e Hidrokarbureve në njësi tregtare të specializuara” me +1,3 pikë përqindje.