150 mijë euro për të hequr prokurorin? Vjen sqarimi nga akuza

Prokuroria e Përgjithshme ka reaguar në lidhje me disa akuza se: Arben Prendi, pjesë e grupit të biznesmenëve që merreshin me trafik droge, kishte paguar 150 mijë euro për heqjen e prokurorit të çështjes.

Organi i akuzës sqaron se njëri nga prokurorët që ka hetuar disa prej personave të arrestuar gjatë aksionit “Ballkan” disa ditë më parë, Anton Martini, është transferuar në Prokurorinë e Shkodrës me kërkesën e tij. Ai u transferua në Prokurorinë e Shkodrës në dhjetor 2015, tre muaj pasi paraqiti kërkesën e tij

“Këto janë konkluzionet e prokurorisë për të pandehurin Arben Prendi, për të cilin u pretendua mediatikisht se janë paguar para për heqjen e prokurorit (i cili në fakt, nuk ishte prokuror i kësaj çështje). Prokuroria ka kerkuar15 vjet burgim. Gjykata për Krime të Renda e dënoi javën e kaluar me 14 vjet burgim”, theksohet në njoftimin e prokurorisë.