27-vjetori i Çlirimit të Kosovës, Kurti homazhe në Prekaz: Kyeqytet i kryengritjes së popullit shqiptar

Kryeministri i Kosovës, Albin Kurti këtë të premte ka bërë homazhe në Prekaz në kuadër të 27-vjetorit të Çlirimit. Kurti ishte i shoqëruar edhe nga disa ministra teksa pas homazhe u shpreh para gazetarëve se Prekazi është kryeqytet i kryengritjes bashkëkohore i popullit shqiptar.

Kurti shtoi se ata luftuan dhe u sakrifikuan për lirinë e popullit tonë për bashkim, për shtet dhe për pavarësi.

“Beteja epike e Jasharëve, e bacës Shaban me djemtë e tij Hamzën e Ademin, me gratë e tyre Zahiden, Zarifen, Feriden dhe Adilen e gjithë të tjerët që nuk u nënshtruan për asnjë moment është sot në thelb të historisë së popullit tonë dhe atë jo vetëm si Kosovë, e si Republikë demokratike por njëkohësisht edhe si komb shqiptarë në kuptimin e shqiptarëve kudo që ata janë, e në kuptimin e shtrirjes përtej së tashmes nga e kaluara e lashtë e deri në të ardhmen siç thotë edhe himni kombëtarë “Ne do të rrojmë”, tha Kurti.

“Lavdi Jasharëve dhe gjithë dëshmorëve të kombit, gëzuar dita e çlirimit”, shtoi ai.