300 ditët e qeverisjes, Nikolla: Arsimi i lartë, kryefjala e reformave

 Ministrja e Arsimit dhe Sportit, Lindita Nikolla tha të hënën se reforma në arsimin e lartë mbetet kryefjala e reformave në këtë fushë. Duke raportuar për punën e qeverisë në arsim, ministrja veçoi ndër të tjera hartimin e abetares mbarëkombëtare dhe sistemin e unifikuar arsimor me Kosovën.
Matura shtetërore 2014, tha ministrja Nikolla, shënoi një standard të cilësisë në këtë drejtim, dhe i ktheu dinjitetin provimeve të këtij viti. Po ashtu, vijoi ajo, ka filluar puna për reformimin e sistemit parauniversitar me kurrikulat e BE-së, ndërsa për herë të parë prindër, mësues e nxënës do të kenë në dorë një instrument për verifikimin, që është karta e performancës.
Gjithashtu, përmirësimi i cilësisë së teksteve, sipas vërejtjeve të mësuesve është një tjetër prioritet i ministrisë së Arsimit, sipas programit të qeverisë.