Sporti

Uruguai fiton me Ganën por nuk mjafton, golavarazhi dënon amerikano-latinët

Uruguai fitoi me rezultatin 2-0 në ndeshjen e fundit të Grupit H teksa mposhti Ganën.
Megjithatë, ky sukses nuk i mjaftoi amerikano-latinëve për të kaluar më tej edhe pse e mbyllën grupin me pikë të barabarta, 4, me Korenë e Jugut teksa vendimtar u bë golavarazhi me koreanojugorët që kishin shënuan më shumë. Në këtë formë, zhgënjimi ishte i madh te Suarez me shokë teksa duhet ta shohin nga shtëpia pjesën e mbetur të edicionit në Katar.

Në fraksionin e dytë, Uruguai pretendoi për një penallti pas një kontakti në zonë mes Nunez dhe Amartey, por edhe pas konsultimit me VAR, arbitri gjerman vijoi lojën duke i qëndruar besnik vendimit që mori në fushë. Minutat e fundit u bënë shumë emocionuese me Uruguain që pasi mësoi se Korea e Jugut kishte përmbysur Portugalinë, u hodh e gjitha në sulm por nuk ia doli të shënonte golin vendimtar edhe pse rastet nuk munguan.

Në fund, si Uruguai dhe Gana janë të detyruara t’i japin lamtumirën kompeticionit.

Ganë-Uruguai 0-2

57′ Uruguai pretendon për penallti pas kontaktit në zonë mes Nunez dhe Amartey, loja vazhdon por VAR ndërhyn. Në fund arbitri Siebert vijon rregullisht lojën

31′ Sërish i njëjti autor, De Arrascaeta shënon në mënyrë spektakolare

26′ Goooool! Uruguai ndëshkon Ganën, Suarez godet dhe më pas është De Arrascaeta që shtyn topin në rrjetë

23′ Shansi i artë për Nunez, goditja e sulmuesit largohet nga Salisu kur po i drejtohej rrjetës

21′ Gana humbet shansin e artë, A. Ayew gabon 11-metërshin

16′ Kudus rrëzohet në zonë pas një kontakti me portierin Rochet, fillimisht akordohet pozicion jashtë loje, por më pas VAR ndryshon vendimin e arbitrit gjerman Siebert. Penallti për Ganën

Ndeshja mes Ganës dhe Uruguait në Grupin H, pritet të rezultojë një betejë e vërtetë në fushë. Të dyja skuadrat kërkojnë kualifikimin për në raundin pasardhës me përfaqësuesen afrikane që është më e avantazhuar duke qenë se luan për dy rezultate nga tre të mundshme. Aktualisht, Gana është në kuotën e tre pikëve dhe mban vendin e dytë në grup, ndërsa Uruguai është me një vetëm një pikë dhe vlen të theksohet se ende nuk e ka shënuar golin e parë në këtë Botëror.

Sa i takon formacioneve, në fushë zbresin lojtarët më të mirë të mundshëm teksa sulmin e Uruguait e udhëheq Luis Suarez me Darwin Nunez ndërsa Valverde dhe Bentacur kanë çelësat e mesfushës. Nga ana tjetër, Gana i beson emrave me eksperiencë si Salisu, Thomas Partey, Ayew, talentit Kudus dhe sulmuesit Williams.

Related Articles

Leave a Reply

Your email address will not be published. Required fields are marked *

Back to top button