A po shkon drejt farsës gara në PD? Ja çfarë deklaroi sot Patozi
Mbrëmë ishte afati i fundit për t’u regjistruar në garën për kryetar të Partisë Demokratike për zgjedhjet që do të zhvillohen në datë 22 Korrik përmes parimit një anëtar, një votë.
Pas mbylljes zyrtare të afatit, Lulzim Basha, Eduard Selami dhe anëtarët e thjeshtë Astrit Sinanaj e Erion Piciri i kanë dorëzuar dokumentet, ndërsa Astrit Patozi i ka depozituar me kusht, që garon nëse kryetari aktual i “ngrirë” i PD do të japë dorëheqjen nga të gjitha funksionet dhe gara të shtyhet, pasi sipas tij u shkel statuti.
Në një prononcim të dhënë sot për Report Tv, Astrit Patozi deklaroi sot se do të kandidojë për postin e kryetarit të PD, por me kusht që të japë dorëheqjen Lulzim Basha.
“E kam thënë publikisht se do të marr pjesë në zgjedhje. Kushti im është largimi i Bashës dhe zgjedhje të barabarta.
Jam regjistruar me kusht në garë, respektimin e statutit, i cili u shkel në shpalljen e zgjedhjeve” deklaroi ai.
