Agron Duka flet pas humbjes, sulmon ashpër Bashën
Kreu i Partisë Agrare Ambientaliste, Agron Duka, i cili garonte nën siglën e Partisë Demokratike në zgjedhjet parlamentare të 25 qershorit, ka reaguar për herë të parë për rezultatin ne zgjedhje.
Në studion e News 24, Duka sulmoi kreun e PD, Lulzim Basha, teksa tha se organizimi i fushatës së opozitës ishte shumë i dobët.
“Në 2017-ën nuk mund të flitet më për bastione.
PD i kishte strukturat inekzistene.
Kur nisa punën fillova të kontaktoj me njerëz të PD, mendova se diçka bëmë, por nuk mund të fitohet me një muaj punë. Rezultati nuk është real sepse ka patur shit-blerje votash.
PD shkonte me një shishe uji në fushatë, edhe për të organizuar takime e kishte të vështirë. Organizimi i fushatës ishte e dobët.
Nuk e dija gjendjen e PD-së, sepse po ta dija do dilja vetëm në zgjedhje. Njerëz të cilët kanë përfituar nga PD nuk u panë fare në fushatë.
Nëse do dilja vetëm në zgjedhje jo vetëm një mandat, por do të kishim luftuar për të dytin. Por ja që ndodhi, faji është imi.
Nuk është normale që unë të mbesë jashtë Kuvendit sepse isha mbështetës kryesor i opozitës”, tha Duka
