Aksident i rëndë në Tragjas të Vlorës, makina përplas çobanin dhe tufën e bagëtive

Një aksident rrugor është regjistruar mbrëmjen e sotme, në aksin e ByPass-it në drejtim Orikum–Vlorë. Sipas informacioneve paraprake, automjeti tip

Një aksident rrugor është regjistruar mbrëmjen e sotme, në aksin e ByPass-it në drejtim Orikum–Vlorë.

Sipas informacioneve paraprake, automjeti tip “Volkswagen” i drejtuar nga shtetasi me iniciale V.G., është përplasur me një tufë bagëtish të imta (dhi) që ndodheshin në rrugë.

Në fund të tufës ndodhej edhe çobani, shtetasi me iniciale A.D., rreth 35 vjeç, i cili është goditur gjatë përplasjes.

Si pasojë e forcës së goditjes, 35-vjeçari është transportuar me autoambulancë drejt Spitalit Rajonal të Vlorës, ku po merr ndihmë mjekësore për traumat e pësuara.