Alfred Rushaj heq dorë nga mandati i deputetit të PD

Deputeti i Partisë Demokratike Alfred Rushaj, ka vendosur të heqë dorë nga mandati. Bëhet me dije se ai do ta dorëzojë mandatin zyrtarisht në Kuvend ditën e nesërme (08 nëntor), ndërsa arsyeja lidhet me motive personale.

Ai e mori mandatin në zgjedhjet e vitit 2021, ndërsa ka mbajtur për disa muaj edhe detyrën e kreut të Grupit parlamentar të PD, nga muaji gusht i vitit 2021, deri në janar të këtij viti.

Ai u dorëhoq nga kjo detyrë, ndërsa në krye të Grupit Parlamentar të PD-së u vendos më pas Enkelejd Alibeaj.

Rushaj ka mbajtur edhe pozicione të rëndësishme si Zëvendës Ministër i  Financave nga viti 2009 deri në vitin 2013 dhe si këshilltar juridik i Ministrit të Ekonomisë, Tregtisë dhe Energjisë nga viti 2005 deri në vitin 2009.