Ministri i Shëndetësisë, Venko Filipçe në konferencën e sotme për shtyp ka komentuar takimin e liderëve politikë që pritet të mbahet nesër për shkak të virusit korona. Ai nuk precizoi nëse ka gjasa të shtyhen zgjedhjet por që theksoi se situata është e pa parashikueshme.
“Sa i përket takimit të liderëve të partive, ne jemi të fokusuar në ballafaqim me virusin korona, ka situata që nuk mund t`i parashikojmë. Deri tani është vështirë të mbyllim kufijtë. Po e ndjekim situatën nuk mund të përcaktojmë se çfarë do të ndodhë saktësisht”-tha mes tjerash Filipçe.
