Apeli i GJKKO-së dënon përfundimisht me 7 vite burg ish-shefin e operacionales, Oltion Bistri
Gjykata e Posaçme e Apelit rrëzoi vendimin e Shkallës së Parë dhe e shpalli fajtor edhe për pastrim parash e korrupsion pasiv, duke urdhëruar edhe konfiskimin e 1 milion eurove, 3 apartamenteve dhe 2 bizneseve.
Gjykata e Posaçme e Apelit rrëzoi vendimin e Shkallës së Parë dhe dënoi përfundimisht me 7 vite burg Oltion Bistrin, ish-shefin e operacionales, siç njofton Shqiptarja.com. Apeli i GJKKO-së e shpalli fajtor edhe për pastrim parash dhe për korrupsion pasiv.
Trupi gjykues që shqyrtoi çështjen përbëhej nga Nertina Kosova, Enton Dhimitri dhe Iliriana Olldashi.
Shkalla e Parë kishte rrëzuar akuzat për pastrim parash dhe korrupsion pasiv. Ajo e kishte dënuar Bistrin me 3 vite burg, të konvertuara në 2 vite shërbim prove.
Apeli i GJKKO-së urdhëroi gjithashtu konfiskimin e 1 milion eurove në cash, 3 apartamenteve dhe 2 bizneseve.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.