Araghchi: Irani i përcolli përmes Katarit një propozim shtatëditor për rihapjen e Hormuzit, vendimi i takon Uashingtonit

Ministri i Jashtëm i Iranit, Abbas Araghchi, ka thënë se Teherani i ka përcjellë përmes Katarit një propozim shtatëditor për rihapjen e Ngushticës së Hormuzit, nëse plotësohen kushtet e tij, dhe se vendimi tani i takon Uashingtonit, siç njofton Al Jazeera në mbulimin e saj të drejtpërdrejtë të luftës.

Araghchi i bëri deklaratat në takimin e Organizatës së Bashkëpunimit Islamik në Bagdad. Sipas tij, bombardimet dhe bllokada ndaj Iranit nuk do ta rikthejnë sigurinë e lundrimit në Hormuz, ngushticën nga e cila kalon një pjesë e madhe e tregtisë botërore të naftës.

Kryediplomati iranian shprehu gjithashtu shqetësim për situatën në Gadishullin Arabik dhe tha se Irani është i gatshëm të ndihmojë në lehtësimin e dialogut rajonal mes vendeve të zonës.

Ai shtoi se territori dhe infrastruktura e shteteve të rajonit duhet t’i shërbejnë sigurisë rajonale dhe nuk duhet të përdoren për të sulmuar fqinjët.

Ngushtica e Hormuzit mbetet pika më e nxehtë e konfliktit mes Iranit dhe Shteteve të Bashkuara, me sulme të përsëritura ndaj anijeve dhe me të dyja palët që pretendojnë kontrollin mbi kalimin detar.