Asnjë xhelozi profesionale, Vinicius flet për raportet që ka me Mbappé, Neymar dhe Endrick

Vinicius Jr ka folur për marrëdhënien e tij me Kylian Mbappé, duke theksuar se janë shumë të afërt si brenda, ashtu edhe jashtë fushës: “Kur mundemi jemi bashkë, edhe jashtë fushës si miq. I kam dërguar shumë mesazhe që të vinte te ne. Nuk kemi arritur ende të fitojmë trofetë që duam, por në të ardhmen shumë të afërt do ta ndryshojmë këtë. Mbappé është një person i mirë dhe lojtar legjendar”.

Ai gjithashtu foli për Neymar dhe situatën e tij me kombëtaren e Brazilit, duke treguar mbështetje për rikthimin: “E kam ndjekur gjithmonë dhe më vjen mirë që është kthyer pas dëmtimeve dhe vështirësive”. Neymar Jr u përmend si një figurë e rëndësishme për Brazilin, ndërsa Vinicius tregoi se e ka inkurajuar gjatë periudhës së mungesës nga listat e trajnerit Carlo Ancelotti.

Po ashtu, ai foli për Endrick, duke treguar se ia ka qetësuar nervat për pjesëmarrjen në Kupën e Botës: “I thashë të mos shqetësohej, do të jetë me ne. Është shumë i ri dhe një Botëror në moshën 19 vjeç është diçka e madhe”.