Balla grupit socialdemokrat të PE-së: Kërkoni hapjen e negociatave për anëtarësim të Shqipërisë

Nënkryetari i grupit parlamentar socialist Taulant Balla i ka kërkuar grupit socialdemokrat të Parlamentit Europian që të kërkojë hapjen e negociatave për anëtarësim me Shqipërinë.

Balla ka marrë pjesë në një mbledhje të këtij grupi për Ballkanin perëndimor. “Bashkimi Europian duhet të vazhdojë procesin e zgjerimit. BE nuk është e plotë pa vendet e Ballkanit Perëndimor. Grupi social demokrat duhet të kërkojë hapjen e negociatave për anëtarësim me Shqipërinë. Reformat e qeverisë Rama janë një model suksesi”, është shprehur Balla.