Balla publikon foton nga protesta në Zvërnec: Pse janë aty makina me targa serbe?

Kreu i grupit parlamentar të Partisë Socialiste Taulant Balla ka publikuar një foto të një automjeti me targa serbe në Zvërnec, me pretendimet se me këto makina janë sjellë qytetarë për të protestuar kundër ndërtimit të resortit luksoz në Zvërnec.

“Ja dhe ata qe e “duan” më shumë sesa ne Shqipërinë, i sollën protestuesit në Zvërnec. Po keto makinat me targa serbe dhe serbët pse duhet të jenë në protestë për Zvërnecin?!”, shkruan Balla në postimin e tij.

Kujtojmë se sot në zonën e Zvërnecit është zhvilluar një protestë simbolike kundër ndërtimit të resortit luksoz në zonë. Protesta po zhvillohen tashmë prej 7 ditësh në Tiranë ndërsa harta është zgjeruar dhe në qytete të tjera të vendit.