Banka Popullore e Maqedonisë: Importet ushqimore 551 milionë euro, më i larti në 10 vitet e fundit

Speca, tranguj, patëllxhan, kunguj, të gjitha këto perime gjenden me bollëk në tregjet në të gjithë vendin. Sipas agro-ekonomistëve, një pjesë e kulturave janë kultivuar këtu, por një pjesë e madhe janë sjellë nga jashtë si pasojë e tregtisë së lirë dhe transportit të shpejtë të mallrave. Ata thonë se këto kultura në dukje janë të mira, por nuk janë ushqyese dhe cilësore, si ato që i hamë verës, ose kur është sezoni perimeve.

“Ata kanë kushte adekuate, me energjensë të lirë dhe mund të prodhohen edhe në Evropë. Por të themi cilësia e një produkti të tillë që nuk është rritur në rrezet e diellit, nuk është e shëndetshme. Ngjyra, madhësia e frutave është marrë në mënyrë artificiale përmes hormoneve, përmes trajtimeve të ndryshme, pjekjes së përshpejtuar. Edhe ne kur konsumojmë një produkt të tillë, fusim diçka që e ha njeriun, dhe jo njeriu ta hajë atë”, tha Jovan Azhderski, profesor universitar.

Ekspertët vlerësojnë se në vend të prodhimit vendor, shumica e tezgave në tregje janë plotë me fruta dhe perimeve të prodhuara jashtë vendit. Për të reduktuar hyrjen e ushqimit me cilësi të dobët, sipas agroekonomistëve duhet kontroll më i madh i cilësisë së tyre. Rritjen e importit të ushqimit e tregojnë të dhënat e fundit nga Banka Popullore e Maqedonisë. Vitin e kaluar kemi importuar produkte ushqimore me vlerë prej 551 milionë euro. Ky është një rekord në 10 vitet e fundit. Në vitin 2005, importet ishin 276 milion dhe që atëherë tendenca është në rritje.

Në krahasim me eksportet, importet ushqimore pothuajse janë dyfishuar. Sipas Entit shtetëror për statistikë, në tremujorin e katërt të vitit 2015, blerja dhe shitja e prodhimeve bujqësore është rritur me 7.9% krahasuar me të njëjtën periudhë të vitit të kaluar.

Rritje të blerjes dhe shitjes ka te bimët industriale dhe te ato kopshtare.