Barcelona “lodhet” me Atletico-n për Alvarez, katalanasit ndjekin tre emra të tjerë

Duke parë rezistencën e Atletico Madridit dhe çmimin 200 milionë euro të kërkuar prej tyre për të lënë të lirë Julian Alvarez, Barcelona po shqyrton edhe pista të tjera për të forcuar sulmin.

Mundo Deportivo zbulon se Barcelona ka një listë me 3 emra, në rast se nuk arrihet përfundimisht Julian Alvarez. Në krye të listës qëndron Harry Kane, i cili po ashtu mund të thuhet që është po aq i paarritshëm sa Alvarez. Kontrata e tij me Bayern skadon në vitin 2027, por palët po punojnë për një rinovim të ri.

Emri i dytë në listë, është Mikel Oyarzabal, për të cilin Real Sociedad ka një klauzolë largimi prej 75 milionë eurosh. Emri i tretë është Eli Kroup Junior, sensacioni i sezonit të fundit në Premier League.

Bournemouth kërkon 100 milionë euro për të lënë të lirë 19-vjeçarin francez.