⛅
Tiranë 18°C · Pjesërisht vranët 17 Nëntor 2026
S&P 500 7,417 ▼1.92%
DOW 51,608 ▼1.41%
NASDAQ 24,510 ▼2.49%
NAFTA 86.89 ▲1.36%
ARI 3,849 ▼0.12%
💱 VALUTAT
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
₿ CRYPTO
BTC $64,998 ▲ +1.31% ETH $1,827 ▲ +1.41% XRP $0.9749 ▲ +2.59% SOL $73.6600 ▲ +4.17%
S&P 500 7,417 ▼1.92 % DOW 51,608 ▼1.41 % NASDAQ 24,510 ▼2.49 % NAFTA 86.89 ▲1.36 % ARI 3,849 ▼0.12 % S&P 500 7,417 ▼1.92 % DOW 51,608 ▼1.41 % NASDAQ 24,510 ▼2.49 % NAFTA 86.89 ▲1.36 % ARI 3,849 ▼0.12 %
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
17 Nën 2026
Breaking
Politika

Bashkia e Tiranës përkujton 82-Vjetorin e Çlirimit të kryeqytetit!

Bashkia e Tiranës organizoi sot ceremoninë përkujtimore me rastin e 82-vjetorit të Çlirimit të Kryeqytetit, duke nderuar kujtimin dhe sakrificën e dëshmorëve që dhanë jetën për lirinë e vendit.

Në ceremoninë e zhvilluar me rastin e 17 Nëntorit morën pjesë drejtues të Bashkisë së Tiranës dhe të Qarkut Tiranë, deputetë, përfaqësues të shoqatave të veteranëve, familjarë të dëshmorëve dhe të ftuar të tjerë.

Në fjalën e mbajtur gjatë ceremonisë, nënkryetari i Bashkisë së Tiranës, Sadi Vorpsi, vlerësoi sakrificën e të rinjve dhe të rejave që luftuan për çlirimin e Kryeqytetit, si dhe kontributin e çmuar të familjeve tiranase, të cilat mbështetën luftën për liri duke strehuar dhe ndihmuar luftëtarët antifashistë.

“Ndodhemi sot këtu para këtij monumenti, simbol i gjithë djemve dhe vajzave që dhanë jetën për çlirimin e Tiranës, për të kujtuar një ndër ditët më historike të këtij qyteti. 82 vite më parë, në Tiranë agoi një ditë e re, e lirë nga pushtuesi i huaj, falë veprës më sublime që populli mund të bëjë, falë gjakut të mijëra të rinjve dhe sakrificës së qindra familjeve tiranase”, u shpreh Vorpsi.

Nënkryetari i Bashkisë solli në vëmendje edhe rolin e veçantë të qytetarëve të Tiranës gjatë Luftës Antifashiste Nacionalçlirimtare, duke theksuar se solidariteti, mikpritja dhe guximi i tyre mbeten pjesë e rëndësishme e historisë së qytetit.

“Shtëpitë përdhese të këtij qyteti u bënë foletë e ëndrrave, shpresave, idealeve të lartësuara, planeve dhe strehimit të gjithë atyre njerëzve që i dolën për zot kombit në ato ditë të errëta të historisë. Bujaria e njohur e tiranasve i hapi dyert për të gjithë ata që kaluan në ilegalitet”, theksoi ai.

Duke u ndalur te rëndësia e ruajtjes së kujtesës historike, Vorpsi nënvizoi se nderimi i dëshmorëve dhe përcjellja e vlerave të lirisë te brezat e rinj përbëjnë një përgjegjësi të përbashkët.

“Është detyra jonë, por edhe e të gjithë brezave që do të vijnë, të nderojmë veprën e atyre që zgjodhën të vdisnin në këmbë për një popull, që ky popull të mos ishte i gjunjëzuar”, u shpreh nënkryetari Vorpsi, duke theksuar se idealet e lirisë, patriotizmit dhe integritetit moral duhet të vijojnë të udhëheqin përpjekjet për ndërtimin e një Shqipërie të denjë si anëtare e Bashkimit Europian.

Ceremonia përkujtimore u shoqërua nga interpretimi i Himnit Kombëtar dhe pjesëve muzikore nga Banda Frymore e Bashkisë së Tiranës, duke krijuar një atmosferë solemne në nderim të të rënëve për lirinë e Kryeqytetit.

Aktiviteti është pjesë e veprimtarive të organizuara nga Bashkia e Tiranës në kuadër të 17 Nëntorit, me qëllim përkujtimin e një prej ngjarjeve më të rëndësishme të historisë së qytetit, si dhe ruajtjen e përcjelljen e vlerave historike dhe patriotike te brezat e rinj.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.