“Basti” publik i Kokës: Salianji dhe Noka do pajtohen prapë

Analisti dhe gazetari Bledian Koka i ftuar këtë të mërkurë në emisionin “Now” me Erla Mëhillin në Euronews Albanai ka folur lidhur me debatin mes Ervin Salianjit dhe sekretarit të Përgjithshëm të Partisë Demokratike, Flamur Noka. Sipas Kokës, ata do të pajtohen ashtu siç ka ndodhur në vitin 2022.

“Që zihen Flamuri me Salianjin, ky nuk është një lajm. Me thënë të drejtën unë bëj vështirë ta komentoj se unë e kam komentuar si sherr në 2022-shin i kam thënë dhe njërit dhe tjetrit që kjo gjëja do mbarojë, ju do pajtoheni dhe do bëheni prapë bashkë.

Koha tregoi që kështu ndodhi në fakt pas nja dy vjetësh dhe pastaj u bëna armiq bashkë. E di çfarë unë mendoj që ata do pajtohen prapë. E vetmja gjë që ne duhet të bëjmë si media është të kemi pak memorie.

Tani opozita ngre pretendimin që fokusi duhet të mbahet shumë herë më i madh ose ka ngritur madje dhe Salianji është në akuzë për këtë nga partia e tij ose ish-partia e tij siç thotë partia e tij se e nisi aksionin e vet politik për demokratizimin e PD-së në kulmin kur PD-ja ishte angazhuar. PD-ja thotë kështu”, tha ai ndër të tjera.