Kuvendi mblidhet sot në seancë plenare, në rend dite çështjet e zgjedhësve

Kuvendi mblidhet këtë të enjte (5 tetor) në seancë plenare për të zhvilluar diskutimet mbi çështjet e evidentuara nga zgjedhësit. Mbledhja do të nisë në orën 15:00 dhe, sipas rendit të ditës, do të ketë në fokus edhe miratimin e procesverbalit të seancës së 24 shtatorit dhe njoftimet.

Në fokus të punimeve do të jenë edhe çështjet e evidentuara nga zgjedhësit, të cilat do të diskutohen nga deputetët gjatë seancës plenare. Kujtojmë se në kuadër të nismës “Prania Besnike”, deputetët takohen çdo të premte ballë për ballë me zgjedhësit e tyre në orën 17:00.

Ndërkaq, seanca e sotme vjen pas një mbledhjeje të tensionuar të Kuvendit më 24 shtator, ku përplasja mes opozitës dhe mazhorancës u përqendrua te çështja e ish-drejtoreshës së SHISH, Vlora Hyseni.

Gjatë seancës së kaluar, opozita kërkoi ndryshimin e rendit të ditës për të zhvilluar një debat mbi zhvillimet në SHISH dhe situatën e krijuar pas masës së sigurisë ndaj Hysenit. Kërkesa u rrëzua nga mazhoranca, ndërsa deputetë të opozitës bllokuan foltoren, duke shkaktuar ndërprerje të përsëritura të punimeve.

Ende nuk ka komente. Bëhuni i pari që komenton.