BB jep 31 milionë dollarë për Efiçiencë të Energjisë
Ministria e Zhvillimit Ekonomik dhe Banka Botërore për Kosovë, lançuan sot nisjen e projektit për Efiçiencë të Energjisë dhe Energji të Ripërtëritshme, që do të përkrahet përmes kredisë së IDA në vlerë prej 31 milionë dollarë.
Ministri i Zhvillimit Ekonomik, Blerand Stavileci, tha se “para disa kohësh qeveria e Kosovës dhe Banka Botërore kanë nënshkruar një marrëveshje për projektin e efiçiencën së energjisë me një kredi prej 31 milionë dollarësh me kushte shumë të volitshme, e cila ka për qëllim zbatimin e masave të efiçencës në ndërtesat publike të nivelit qendrorë.
“Në programin e qeverisë së Kosovës, energjia është një nga objektivat kryesore. Viteve të fundit ka qenë njëra nga barrierat kryesore për të bërë biznes sektori i energjisë, kjo është dëshmuar edhe në anketimet e ndryshme. Dhe për këtë arsye ne kemi shpallur si njërin nga prioritetet, nga njëra anë për të siguruar energji të qëndrueshme për të gjithë qytetarët e vendit tonë dhe për bizneset”, tha Stavileci.
Sipas tij, këto projekte për energji, janë edhe për të zbatuar standardet e ndryshme të cilat janë të definuara me direktivat e Bashkimit Evropian, sidomos për sa i takon masave të efiçiencës dhe të energjisë të ripërtritsheme.
Duke falendruar Bankën Botërore, si njërin nga partnerët kyç jo vetëm në sektorin e energjisë po edhe në sektorët e tjerë, Staliveci tha se kohët e fundit së bashku me BB dhe me të gjitha grupet që përfaqësohen brenda saj, kemi pasur shumë aktivitetete të suksesshme, edhe përsa i takon projektit të “Kosovës së re”, por edhe për sa i takon projekteve të cilat rilidhen me fushën e efiçinecës dhe fushës së ripërtritshme.
Drejtori i Bankës Botërore për Kosovën, Jan-Peter Olters, tha se Kosova nuk është aq e pasur të jetë në gjendje t’i lejojë vetes konsumin e panevojshëm të energjisë.
“Një nga hapat e rëndësishëm për qeverinë është për të zbatuar strategjinë e energjisë në mënyrë gjithëpërfshirëse dhe të qëndrueshme.Projekti prej 31 milionë dollarë ose 27 milionë euro të financuara nga BB për efikasitetin e energjisë ripërtritshme do të ndikojë së sektorin publik”.
