BE shtyn negociatat me Shqipërinë/ Nuk hapen në qershor. Ministri gjerman: Do të ndodhë brenda vitit
“Jemi në dialog të ngushtë me Slloveninë dhe Portugalinë, në kuadër të presidencës treshe të Këshillit të BE-së, por edhe me Komisionin e BE-së, në mënyrë që të krijojmë premisat që me çdo kusht të hapen konferencat e para ndërqeveritare për Shqipërinë dhe Maqedoninë e Veriut.
Unë jam optimist se këtë do ta realizojmë, edhe pse është e vështirë dhe po zgjat më shumë se ç’duam“, tha Maas duke iu përgjigjur një pyetjeje të Deutsche Welle-s.Ministri i Jashtëm gjerman pohoi gjithashtu se nëse vendet e Ballkanit Perëndimor i plotësojnë kushtet e kërkuara, atëherë nuk kemi përse të ngurrojmë me fillimin e negociatave.
Më herët, kryediplomati gjerman kishte kërkuar shfuqizimin e së drejtës së vendeve anëtare të BE-së për t`i vënë veton masave në politikën e jashtme, duke thënë se blloku nuk mund ta lejojë veten që të mbahet peng.
Një deklaratë e tillë dëshmoi zhgënjimin në rritje në Berlin mbi mënyrën në të cilën vendet individuale të Bashkimit Europian mund të bllokojnë çështje për të cilat bien dakord anëtaret e tjerë, duke penguar kështu siç tha Maas nismat e përbashkëta për të cilat është punuar aq shumë e duke rrezikuar edhe vetë kohezionin e Evropës.