Begaj “shpall” non grata Berishën/ Presidenti i zgjedhur e përjashton nga takimi me ish-krerët e shtetit
Gjeneral Begaj duket se ka zgjedhur te ketë si model në detyrën e tij të re, tre ish-presidentët Rexhep Mejdani, Bamir Topi dhe Alfred Moisu, i cili pak ditë më parë i dhuroi edhe librin e tij me kujtime mes “Nanos dhe Berishës”, ndërsa ka munguar një takim i tille me ish-Presidentin Sali Berisha.
Detajet nga biseda e zhvilluar këtë të enjte në Pallatin e Bigradave vetëm me 3 ish Presidentet i dha vetë Gjeneral Begaj.
“Unë dëshiroj që kështu, së bashku, të kuvendojmë vëllazërisht për punët dhe sfidat e atdheut tonë. Koha kalon shpejt, askush nuk është i përjetshëm dhe asnjë detyrë shtetërore nuk është e pafundme. Por, mësimet e vyera të atyre që kanë kaluar më parë nga rruga jonë duhen mbajtur parasysh sa më mirë dhe kur ke fatin që t’i kesh pranë ata, atëherë mund të gabosh më pak. Eshtë një nder i madh për mua që të kem këshilltarë të tillë.”– tha Begaj. Ish-shefi i shtabit të Përgjithshëm Bajram Begaj, e merr zyrtarisht detyren e kreut te shtetit në 24 korrik duke pasuar ne kete post Ilir Meten.
Ish kryeministri Berisha ka folur sot ne takimin me gazetaret për mungesën e tij në turin e takimeve që Presidenti I zgjedhur Bajram Begaj ka nisur me ish paraadhësit e tij.
“Qëndrimi im publik ishte publik ndaj zgjedhjes së tij. E konsideroj normale. Ai nuk kërkon këshilla nga unë, se nuk do merrte këshillën që I pëlqente. Zgjedhja e tij u shndërrua në firmosjen e regjimit monist në Shqipëri. Kam një problem këtu, ju s keni jetuar në monizëm. Problem është se forca politike që duhet të ishte më aktivija, që është rinia nuk e ka përjetuar monizmin,”- u shpreh Berisha
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.