BIK fton organet e drejtësisë të gjejnë autorët e kërcënimeve me vdekje nëpërmjet grafiteve

Bashkësia Islame e Kosovës përmes një komunikate për media theksoi se kërcënimet me vdekje i udhëheqësve të shtetit, BIK dhe Komunës së Prishtinës përmes grafiteve është  akt i papranueshëm dhe i dënueshëm  për shoqëritë normale.

“Jemi të bindur që autorët dhe mentorët e këtij  veprimi  qyqar nuk paraqesin  qëndrimin e qytetarëve të Prishtinës e as të vendit. Këtë veprim e konsideromë të izoluar dhe ftojmë qytetarë e sidomos studentët që mos të bien pre e individëve që thërrasin në dhunë, përhapin shpifje dhe i kontribuojnë urrejtjes e mosdurim. Feja dhe objektet fetare te ne  gjithherë kanë qenë në funksion të paqes, mirëkuptim, tolerancës e harmonisë. E tillë do jetë edhe xhamia Qendrore e Prishtinës. Ftojmë organet kompetente që autorët e këtij akti të sillen para drejtësisë”, thuhet në reagim.