Blushi: Drejtësi, pa marrë të pandehur Erion Veliaj, nuk mund të ketë! Kjo firmë flet vetë!
Sekretari i Përgjithshëm i PL-së, Tedi Blushi ka reaguar pas lajmit se SPAK ka lëshuar 15 urdhër-arreste në lidhje me aferën e inceneratorit të Tiranës dhe jo vetëm.
Në postimin e tij në Facebook, Blushi thekson se ‘krimi i vjedhjes me inceneratorin inekzistent dhe nën sekuestro të Tiranës ka emër dhe mbiemër, Erion Veliaj’.
‘Drejtësi, pa marrë të pandehur Erion Veliaj, nuk mund të ketë! Kjo firmë flet vetë!’, shkruan Blushi në Facebook.
Postimi i plotë:
Krimi i vjedhjes me inceneratorin inekzistent dhe nën sekuestro të Tiranës ka emër dhe mbiemër: Erion Veliaj.
E tij është Mega-Firma e paligjshme që i dha jetë kësaj kryevepre korruptive, pa mbledhur Këshillin Bashkiak, duke shkelur ligjin për pushtetin vendor dhe zhytyr në borxh banorët e Tiranës për 30 vite.
Drejtësi, pa marrë të pandehur Erion Veliaj, nuk mund të ketë! Kjo firmë flet vetë!
