BM – Disa të vdekur pas përplasjes mes një automjeti të policisë dhe një makine

LONDËR, 22 gusht /ATSH – AA/ – Një aksident mes një automjeti të policisë dhe një makine pranë qytetit Middlesbrough, në verilindje të Anglisë, ka lënë disa persona të vdekur.

Policia britanike njoftoi se disa persona humbën jetën në aksidentin mes një automjeti të policisë dhe një makine në rrugën A66, në South Bank, rreth orës 03:39 me orën lokale.

“Fatkeqësisht, përplasja ka shkaktuar disa viktima. Në vendngjarje ndodhen një numër i madh automjetesh të shërbimeve emergjente dhe rruga do të mbetet e mbyllur për një kohë”, tha një zëdhënës i policisë.

Policia tha se po punon për identifikimin e viktimave dhe kontaktimin e familjeve të tyre.