Britani, burri rrëfen se e drogoi dhe përdhunoi gruan e tij për dy dekada

Një burrë britanik rrëfeu sot se e drogoi dhe e përdhunoi gruan e tij në shtëpinë e tyre për dy dekada.

Burri, banor i Anglisë veriore, rreth moshës 60 vjeç, të dhënat e të cilit nuk janë bërë publike për të mos zbuluar identitetin e viktimës, u deklarua fajtor në Gjykatën e Kurorës së Mançesterit për 45 akuza kundër tij. Këto përfshinin përdhunim, sulm seksual dhe ndarjen e materialeve të ndjeshme personale pa pëlqimin midis viteve 2004 dhe 2025. Ai gjithashtu pranoi se i kishte dhënë drogë gruas së tij me qëllim që ta drogonte.

Prokurorët thanë se gruaja ishte përdhunuar dhe sulmuar seksualisht në mënyrë të përsëritur në shtëpinë e saj, pasi ishte droguar nga bashkëshorti i saj.

12 burra të tjerë, të moshës midis 28 dhe 74 vjeç, akuzohen gjithashtu për abuzim seksual me të njëjtën grua midis viteve 2018 dhe 2025. Të gjithë i kanë mohuar akuzat.

Procesi i seancës dëgjimore pritet të zgjasë disa muaj.