Cazeneuve: Do të arrestojmë protestuesit që thërrasin ”Vdekje çifutëve”

Protestuesit që bërtasin ”Vdekje çifutëve” gjatë demonstratave kundër pushtimit izraelit të Gazas do të jenë pjesë e një arrestimi të menjëhershëm, deklaroi ministri i Brendshëm francez, Bernard Cazeneuve për radion ”Inter”. Deklarata e tij vjen disa orë para protestës së fundit të propalestinezëve në kryeqytetin francez. Ministri vuri në dukje se kjo ishte nxitje dhe sipas ligjit francez konsiderohet vepër penale. Protesta të tjera të ngjashme në ditët e fundit kanë ngritur debate të nxehta, pas fyerjeve antisemite. Parisi ishte në gatishmëri të lartë dje për marshimin e planifikuar gjatë pasdites, pas përleshjeve gjatë një demonstrimi të paautorizuar të shtunën në zonën e Barbès dhe dhunës së të dielës në zonën veriore të Sarcelles. Marshimi i pasdites së djeshme ishte autorizuar nga perfektura. Organizatorë ishin Liga e të Drejtave të Njeriut, Lëvizja Kundër Racizmit dhe për Miqësinë Midis Popujve, Partia Komuniste, ”Europe Ecologie” (parti brenda koalicionit qeveritar) dhe sindikata CGT. Ndërkohë, dy burra dhe një grua e re janë arrestuar gjatë protestave të së djelës dhe janë me dënim me kusht, përkatësisht katër dhe 10 muaj burgim, por zyra e Prokurorisë së Parisit ka njoftuar se do të tërheqë dënimin me kusht