Challandes pas fitores së Kosovës: Kjo ishte një fitore grupi, e kontrolluam ndeshjen
Kosova ia doli të triumfojë me rezultatin minimal 0-1 në transfertën ndaj Gjeorgjisë, duke marrë kështu edhe fitoren e parë në eliminatoret e Botërorit Katar 2022, ndërsa trajneri Bernard Challandes u shfaq mjaft i kënaqur me paraqitjen e të tijve.
“E filluam shumë mirë ndeshjen, kishim shumë shanse dhe e ruajtëm me meritë avantazhin. Konsideroj se ishte një fitore e merituar! Luftuam bashkë. Kjo fitore është një fitore e skuadrës dhe më pëlqeu shumë, pasi doja të shihja forcën e grupit. Futbolli nuk mund të shikohet vetëm me lojë agresive. Duhet kombinim i lojës agresive e të bashkuar. Në këtë formë mund të fitohen topat dhe mund të kalojmë në gjysmëfushën tjetër. Duhet të jemi të disiplinuar, pasi në këtë mënyrë e kërkuam rezultatin dhe e morëm fitoren”, ka thënë Challandes pas fitores.
Tekniku zviceran u ndal edhe në emra të përveçëm, duke vlerësuar jo pak paraqitjen e Lirim Kastratit, por edhe të Dreshevic në mesin e fushës.
“Lirim Kastrati kaloi dy ditë shumë të trazuara, pasi kompletoi transferimin në një klub tjetër, megjithatë punoi mirë dhe bëri një ndeshje shumë të mirë edhe sot. Më pëlqeu shumë edhe performanca e Dreshevic në mesfushë, pasi na ndihmoi shumë për të ruajtur ekuilibrat”, deklaroi trajneri zviceran i Kosovës.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.