Çitaku i reagon ashpër Gecit pas deklaratës për Thaçin

Deputetja e PDK-së, Vlora Çitaku, reagoi ndaj diskutimit të deputetit të Lëvizjes Vetëvendosje, Fatos Geci në Kuvendin e Kosovës, i cili kërkoi burgim të përjetshëm për Hashim Thaçin.

Deputetja e PDK-së, Vlora Çitaku, reagoi ndaj diskutimit të deputetit të Lëvizjes Vetëvendosje, Fatos Geci në Kuvendin e Kosovës, i cili kërkoi burgim të përjetshëm për Hashim Thaçin.

Ajo tha se Geci nuk e meriton as të quhet deputet.

“S’po di qysh me të thënë se me të thënë deputet nuk e meriton. Nuk kisha besu kurrë që nga foltorja e Kuvendit të Republikës së Kosovës, vjen një lutje në formë urimi për burg të përjetshëm për njerëzit që kanë luftu për lirinë e këtij vendi”, tha Çitaku.

Ajo kërkoi që Vetëvendosje duhet të distancohet nga Geci.

“Ju duhet të ndiheni i turpëruar dhe Vetëvendosje nëse nuk mendon si ju, ju ftoj tani që të distancoheni. Duhet t’ju vie turp”, tha Çitaku.

Kjo deklaratë është pasuar menjëherë me reagim nga kryetarja e Kuvendit, Albulena Haxhiu, e cila i ka tërhequr vërejtjen deputetit për gjuhën e përdorur në sallë.

Pas kërkesës për replikë, Haxhiu nuk ia ka dhënë më fjalën deputetit Geci.