CNN, MS NOW dhe Politico i kërkojnë gjyqtarit të rivendosë menjëherë qasjen në Shtëpinë e Bardhë
Seanca mbahet sot në orën 3:30 pasdite me orën e Uashingtonit (21:30 me orën e Tiranës), para gjyqtarit federal Timothy Kelly – i cili në vitin 2018 e detyroi Shtëpinë e Bardhë të rivendoste kredencialet e korrespondentit të CNN, Jim Acosta
CNN, MS NOW dhe Politico do t’i kërkojnë sot një gjykatësi federal në Uashington që të rivendosë menjëherë qasjen e tyre në Shtëpinë e Bardhë, pasi Presidenti Donald Trump i ndaloi të premten e kaluar përmes një postimi në rrjetin e tij social Truth Social, ku i akuzoi se raportojnë vazhdimisht “FICTION and LIES” (trillime dhe gënjeshtra).
Administrata Trump, nga ana tjetër, argumenton se hyrja në Shtëpinë e Bardhë është “privilegj, jo e drejtë”, dhe se presidenti ka autoritetin ta pezullojë atë. Sipas padisë, ndalimi u zbatua pa një njoftim formal dhe pa iu dhënë mediave mundësia e apelimit.
Në shenjë solidariteti me tre mediat e ndaluara, rrjetet kryesore televizive amerikane pezulluan të hënën mbulimin e përbashkët (“pool”) të lëvizjeve të presidentit – një formë proteste e pazakontë në mediat amerikane.
Burimi: Reuters
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.