Çollaku përshëndet mbledhjen e përbashkët. Uroj që përmbajtja të jetë në lartësinë e formës

Shefi për politikën e jashtme në Partinë Demokratike Kreshnik Çollaku ka përshëndetur mbledhjen e dy qeverive, Kosovës dhe Shqipërisë që po zhvillohet sot në Tiranë.

Në një postim në facebook Çollaku shkruan se uron që përmbajtja e kësaj mbledhje të jetë në lartësinë e formës. Ai thekson se në këto kohë të vështira bashkimi është e vetmja zgjidhje. “Përshëndes mbledhjen e Qeverisë Shqiptare dhe Qeverisë së Kosovës,në Tiranë !!! Uroj që përmbajtja e mbledhjes të jetë në lartësinë e formës !!! Në kohë të vështira Bashkimi është e vetmja zgjidhje !!! Rruga e gjatë dhe e mundimshme nga kemi mbërritur na mëson se vetëm bashkimi i të gjithëve na afron drejt plotësimit të aspiratës shekullore !!!”- shkruan Çollaku.