Corbyn dhe Obama bisedojnë për fuqinë e korporatave globale dhe teknologjinë

Lideri i Partisë Laburiste, Jeremy Corbyn është takuar sot me presidentin e Shteteve të Bashkuara të Amerikës, Barack Obama, duke përshkruar diskutimin që pati me Obaman si të shkëlqyer

Sapo doli nga ndërtesa e “Lindley Hall”, në qendër të Londrës, pas gati 90 minutave bisedime, Corbyn iu tha gazetarëve se ai dhe Obama biseduan për një mëri çështjesh, përfshirë Bashkimin Evropian, por shumë shkurt.

Corbyn tha se Obama e ka uruar atë për zgjedhjen lider i Partisë Laburiste, transmeton Gazeta Express.

Corbyn shtoi se është “kënaqur” në takim me Obaman.

I pyetur se çfarë kishte biseduar me Obaman, politikani laburist tha: “[Biseduam] për sfidat me të cilat përballen shoqëritë post-industriale, dhe po ashtu për fuqinë e korporatave globale dhe përdorimin në rritje të teknologjisë nëpër botë, si dhe ndikimet e saj.”

Ndërsa kur u pyet nga gazetarët nëse kishte biseduar me Obaman për ndërhyrjen e këtij të fundit në debatin nëse Britania duhet të qëndrojë në BE ose jo, Corbyn tha: “Kemi biseduar shumë shkurt për Evropën”.

Ndërkohë, një zëvendës i Shtëpisë së Bardhë ka thënë: “Ata [Corbyn dhe Obama] u pajtuan se Britania e Madhe duhet të mbesë anëtar i BE-së.