Danielsson takon Ramën dhe Bushatin: Reforma në drejtësi, çelësi për në BE

Drejtori për zgjerimin në KE, Christian Danielsson ka uruar ditën e Europës nga Tirana, teksa këtë paradite është takuar me kryeminsitrin Edi Rama dhe më herët me ministrit e Jashtëm Ditmir Bushati.

Mbajtja e momentit të tanishëm pozitiv të reformave – veçanërisht në sektorin e sundimit të ligjit është çelësi për të përparuar në rrugën drejt BE.

Kështu u shpreh, Christian Danielsson, Drejtor i Përgjithshëm i Zgjerimit në BE pas një takimi me Kryeministrin Edi Rama në Tiranë.

“Shkëmbim i mirë me kryeministrin shqiptar Edi Rama përpara Samitit të ardhshëm të Sofjes, për reformën në drejtësi dhe vettingun. Mbajtja e momentit të tanishëm pozitiv të reformave veçanërisht në sektorin e sundimit të ligjit është çelësi për të përparuar në rrugën e BE”, shkruan Danielsson në Twitter.

Më herët Danielsson zhvilloi dhe një takim me Ministrin për Europën dhe Punët e Jashtme, Ditmir Bushati, duke theksuar se 2018-a është një vit vital për marrëdhëniet mes Shqipërisë dhe BE.

“Gëzuar Ditë e Europës nga Tirana. Pata një diskutim shumë produktiv me Ditmir Bushatin. 2018-a është një vit vital për marrëdhëniet. Përdorimi i hapësirës aktuale të mundësive duke ndjekur reformat ambicioze, që do të sjellin përfitime të qëndrueshme për qytetarët, është thelbësore për rrugën drejt BE-së”, shkruan Danielsson në Twitter.