Dasma e vitit në horizont: Dua Lipa dhe Callum Turner drejt altarit në Palermo!

Këngëtarja e mirënjohur Dua Lipa dhe aktori Callum Turner pritet të kurorëzojnë lidhjen e tyre me martesë në Palermo këtë shtator, në një ceremoni që po përflitet si një nga eventet më ekskluzive të vitit. Sipas mediave italiane, festimet e dasmës do të zgjasin tre ditë, nga 5 deri më 7 shtator, me darka gala dhe festa private.

Çifti thuhet se ka rezervuar në Villa Igiea, në hotelin luksoz me pamje nga deti, ku Dua Lipa është rikthyer sërish javën e kaluar në fshehtësi për të përfunduar detajet e ceremonisë.

Me të ishte edhe stilistja Donatella Versace, pasi fustani i nusërisë pritet të jetë i realizuar nga Versace. Sipas raportimeve, më 5 qershor në Villa Igiea do të zhvillohen edhe provat e fustanit.

Në Palermo pritet të mbërrijë edhe Elton John, i cili konsiderohet një nga miqtë më të afërt të çiftit dhe mund të jetë pjesë e ceremonisë.

Dua Lipa ka treguar prej kohësh se ka një lidhje të veçantë me Palermon. Verën e kaluar ajo dhe Callum Turner u panë duke shëtitur në qytet, ndërsa këngëtarja postoi në Instagram foto nga pushimet me mbishkrimin: “Palermo në zemrën time”.

Dua Lipa dhe aktori Callum Turner u përfolën për një lidhje për herë të parë në fillim të vitit 2024, pasi u panë shpesh bashkë në evente dhe udhëtime. Çifti ka preferuar ta mbajë lidhjen larg mediave, por gjatë muajve të fundit raporti i tyre është konsoliduar duke e çuar marrëdhënien në një hap më larg, drejt martesës.

Callum Turner njihet për rolet në “Fantastic Beasts: The Crimes of Grindelwald” dhe serialin “Masters of the Air”, ndërsa Dua Lipa është një nga këngëtaret më të suksesshme botërore me hite si “Levitating” dhe “New Rules”.

/tvklan.al