Dezajni, Samsung fiton betejën me Apple

Pamja e parë ka gjithmonë rëndësi dhe këtë e di më mirë Samsung. Gjiganti koreano-jugor i teknologjisë duket se ka fituar betejën e dezajnit më të bukur (të paktën përkohësisht) me Apple.

Gjithçka nisi pak më shumë se një vit më parë, kur u hodh në treg Galaxy S6, që ndryshoi thuajse tërësisht pamjen e Samsung e për këtë në ambientet e brendshme të kompanisë quhej edhe si “Project Zero”.

Pra, sa i takon pamjes gjithçka nisi nga e para dhe risia më e madhe ishte ekrani i lakuar në anë të telefonit, një ide gjeniale e Samsung.

Por kush qëndron pas kësaj ideje? Ai është Hong Yeo, një i ri që dizejnon “për të jetuar”. Para se t’i bashkohej Samsung ai ka dizajnuar supermakinat e McLaren.

“Klientët mendojn se sapo nisëm me S6. Në fakt ishte një punë disavjeçare. Teknologjia aty ishte, por ne donim të siguroheshim për momentin e duhur për ta hedhur atë në treg”, thotë Yeo.

Yeo qëndron edhe pas dezajnit të Note 7, të prezantuar më pak ditë më parë e që del në shitje më 19 gusht dhe po ashtu edhe pas Galaxy S7.

Tani pritet kundërpërgjigjia e Apple, që mbërrin në shtator me iPhone 7.