Dhjetë vendet më të lumtura në botë përgjatë vitit 2014

10. Irlanda

Fillojmë menjëherë me një vend që mbase ju habit për nga renditja për sa i përket lumturisë që i fal popullsisë së saj. Po flasim për Irlandën, një vend që pavarësisht klimës, që nuk është edhe aq e favorshme, duket se shtatë banorë në dhjetë ndihen tepër të kënaqur për atë ç’ka shteti i tyre u ofron!

9. Zvicra

Kalojmë tani te një vend që është fqinj me Italinë. Tashmë e kemi fjalën për të bukurën Zvicër, që mesa duket rezulton të jetë vendi me ekonominë më të mirë, por edhe me nismën më të mirë nga qytetarët!

8. Holanda

Holanda gjendet në vendin e tetë. Por pse e meriton gjithë këtë? Ashtu siç raportohet nga mediat ndërkombëtare online, me kalimin e viteve “receta” perfekte ka qenë ajo e lirisë sociale dhe e gjendjes së duhur të sistemit shëndetësor!

7. Finlanda

Ky komb nuk është i njohur vetëm për mundësitë e shkëlqyera të punës për të rinjtë e saj, por prej pak kohësh ai tashmë njihet edhe si kombi që ka një shërbim të mirë shëndetësor, ndër më të mirat në Europë!

6. Kanadaja

Tashmë do të shkojmë në një kontinent tjetër, për t’u spostuar nga ana tjetër e botës, në Kanada. Ky komb, siç shumë prej jush e dinë, po rritet në mënyrë eksponenciale, me një zhvillim të vazhdueshëm dhe si i tillë është në gjendje t’i ofrojnë mundësi të mëdha, secilit prej qytetarëve të saj!

5. Zelanda e Re

Kalojmë sërish në një kontinent tjetër. Sa prej jush e dinë faktin se sistemi arsimor i Zelandës së Re është renditur si më i miri në botë? Por kjo nuk është e gjitha: një ndjenjë e fortë e besimit dhe e lirisë personale, është e pranishme te të gjithë njerëzit që banojnë në Zelandën e Re!

4. Australia

Dhe tani, mbetemi në Oqeani, zbresim pak më poshtë Zelandës së Re për të mbërritur në Australi! Sa herë keni dëgjuar në vitet e fundit për emigrimin e njerëzve në Australi, pikërisht për mundësitë e mira të punës që ofron ky vend? Pikërisht kështu, bëhet fjalë për një nga vendet e pakta, i cili nuk e ka ndier aspak krizën ekonomike botërore. Mundësitë e punës janë të pafundme. Ajo mund të quhet me plot gojën, si toka e shpëtimit.

3. Suedia

Në vendin e tretë gjendet Suedia ose kombi në të cilin mundësitë sipërmarrëse janë vërtet të mira, po ashtu edhe ndjenja e detyrës qytetare!

2. Danimarka

Tashmë bëhen plot katër vjet që ky shtet, Danimarka, qëndron në vendin e dytë në këtë lloj klasifikimi të vendeve më të lumtura në botë. Një qëndrueshmëri, e cila tregon se në këtë vend, jeta jetohet me të vërtetë mirë! Po kalon një periudhë rritjeje financiare të madhe të vazhdueshme dhe po afirmohet gjithnjë e më shumë si një nga realitetet ekonomike më të mira në botë.

1. Norvegjia

Në vendin e parë, ashtu siç shumë prej jush e prisnin, ndodhet Norvegjia, e cila fiton absolutisht “medaljen e arit” si shteti më i lumtur në botë, qoftë për sa i takon sigurisë, ashtu edhe për sa i takon kapitalit social.