Diplomati holandez në Kosovë: Turp për banorët e Llapushnikut

Ambasadori i Holandës, Robert Bosch, ka shprehur publikisht pakënaqësinë e tij me zhvillimet e fundit në fshatin Llapushnik, duke u bërë diplomati i parë i huaj që merr qëndrim për këtë çështje.

“Turp për banorët e Llapushnikut. A nuk janë Kosova dhe Shqipëria fanarë të tolerancës fetare? Diçka për t’u mburrur [toleranca fetare]”, ka shkruar diplomati holandez në Twitter në ditët kur fshati në komunën e Drenasit është bërë temë pasi u pengua ndërtimi i një kishe dhe varrezave katolike në një kodër mbi fshat.