Disa policë të plagosur gjatë paradës së LGBT në Kiev

Një sërë policësh mbetën të plagosur gjatë përplasjeve që shoqëruan paradën e homoseksualëve në kryeqytetin e Ukrainës, Kiev.

Persona të paidentifikuar sulmuan me bomba tymuese dhe gurë pjesëmarrësit e tubimit të zhvilluar përgjatë lumit Dnipro. Më shumë se 20 vetë raportohet të kenë përfunduar në pranga.

Përpara marshimit të LGBT-së, disa politikanë ukrainas ishin zotuar të shkaktonin pështjellim gjatë këtij eventi, mes të cilëve edhe krerë të lëvizjes radikale “Sektori i djathtë”.