Dita e 68-të e protestës, qytetarët marshojnë në rrugët e Tiranës

Protestuesit janë mbledhur edhe mbrëmjen e se enjtes përpara Kryeministrisë, duke vijuar protestën e tyre për të 68-ën ditë radhazi.

Ashtu si në mbrëmjet e mëparshme, pjesëmarrësit u grumbulluan fillimisht në sheshin “Skënderbej” dhe më pas marshuan drejt godinës së Kryeministrisë, ku mbajtën fjalime dhe hodhën thirrje nga podiumi i improvizuar përballë zyrës së kryeministrit Edi Rama.

Protestuesit kanë përsëritur kërkesat e tyre, duke kërkuar largimin e klasës së vjetër politike dhe krijimin e një qeverie teknike, ndërsa kanë bërë të ditur se protestat do të vijojnë edhe në ditët në vijim.

Pas fjalimeve të mbajtura para Kryeministrisë, qytetarët kanë vijuar marshimin nëpër rrugët e Tiranës.