Dita e Verës, Basha nga Elbasani: Shqiptarët kanë nevojë për një ofertë të re

Kryetari i Partisë Demokratike dhe kreu i bashkisë Tiranë, Lulzim Basha ka zgjedhur ta nisë nga Elbasani festën e Ditës së Verës.

Pasi ka vizituar panairin e kulinarisë me produkte vendase, Basha ka uruar shqiptarë për ditën e rilindjes dhe ndryshimit, siç e quajti ai Ditën e Verës. Kryedemokrati u shpreh se kjo ditë i gjen shqiptarët në varfëri e mjerim, ndërsa u zotua në merr të Partisë Demokratike që t’u japin shqiptarëve një ofertë të re për përmirësimin e jetës së tyre.

“Vizitova këtë panair, ku preka shqetësimin e varfërisë. Në emër të Partisë Demokratike duam t’i japim jetë ofertës për një Shqipëri që t’u përkasë vetëm shqiptarëve”, u shpreh Lulzim Basha.