🌦️
Tiranë 18°C · Rrebesh i lehtë 16 Nëntor 2026
S&P 500 7,476 ▼1.14%
DOW 52,048 ▼0.57%
NASDAQ 24,698 ▼1.74%
NAFTA 86.89 ▼1.89%
ARI 3,866 ▼0.51%
💱 VALUTAT
EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734 EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734
₿ CRYPTO
BTC $64,577 ▼ -0.22% ETH $1,820 ▲ +0.66% XRP $0.9536 ▼ -0.36% SOL $70.7900 ▼ -0.55%
S&P 500 7,476 ▼1.14 % DOW 52,048 ▼0.57 % NASDAQ 24,698 ▼1.74 % NAFTA 86.89 ▼1.89 % ARI 3,866 ▼0.51 % S&P 500 7,476 ▼1.14 % DOW 52,048 ▼0.57 % NASDAQ 24,698 ▼1.74 % NAFTA 86.89 ▼1.89 % ARI 3,866 ▼0.51 %
EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734 EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734
16 Nën 2026
Breaking
Kosova

“Do ta prisja në një tubim nacionalist dhe në Gazimestan, por jo në Komisionin Evropian” – Emini reagon ashpër nga Brukseli për këngën serbe për Kosovën

Ekspertja e politikës së jashtme, Donika Emini, ka kritikuar ashpër interpretimin e këngës nacionaliste serbe “Oj Kosovo, Kosovo” në Bruksel, në kuadër të Forumit të Zgjerimit të Bashkimit Evropian, duke e cilësuar të papranueshme përzgjedhjen e një kënge që përmban pretendime territoriale të Serbisë ndaj Kosovës.

Gjatë fjalimit të saj në forum, Emini tha se ngjarja e kishte detyruar ta ndryshonte tërësisht fjalimin që kishte përgatitur, ndërsa e nisi paraqitjen duke lexuar disa vargje të këngës së interpretuar një natë më parë, shkruan Telegrafi.

“Popull serb, thërrit fort. Kosovë, nuk do të të dorëzojmë. Ti gjithmonë ke qenë e jona. Kështu ka qenë që nga kohët e lashta”, citoi ajo, duke theksuar se kënga përmban pretendime të drejtpërdrejta territoriale ndaj Kosovës.

Emini ngriti pikëpyetje nëse institucionet evropiane e kuptojnë kompleksitetin politik dhe ndjeshmëritë historike të Ballkanit Perëndimor.

“Pas asaj që ndodhi mbrëmë, vërtet pyes veten nëse ata i kuptojnë kompleksitetet e rajonit, edhe pse po flasim për një Komision Evropian që është mjaft afër këtij rajoni”, deklaroi ajo.

Ekspertja tregoi se kishte vendosur të merrte pjesë në forum pasi kishte vërejtur mungesën e përfaqësuesve nga Kosova në listën e folësve, ndërsa theksoi se prania e saj si përfaqësuese e shoqërisë civile nuk mund ta zëvendësonte përfaqësimin institucional.

Në një nga momentet më të fuqishme të fjalimit, ajo tha se nuk do të befasohej nëse një këngë e tillë do të dëgjohej në tubime nacionaliste apo në një tubim të Slobodan Millosheviqit, por ishte befasuar që ishte interpretuar në një aktivitet të Komisionit Evropian.

“U befasova shumë kur e dëgjova në Komisionin Evropian, një projekt paqeje, një projekt që po e udhëheq rajonin drejt demokracisë”, u shpreh Emini, transmeton Telegrafi.

Ajo sqaroi se kundërshtimi i saj nuk kishte të bënte me gjuhën apo muzikën serbe, duke theksuar se do ta mirëpriste interpretimin e këngëve shqipe dhe serbe që promovojnë bashkëjetesën dhe tejkalimin e ndarjeve.

Në përfundim, Emini i bëri thirrje Bashkimit Evropian të mos riprodhojë narrativa nacionaliste dhe revizioniste që kanë penguar pajtimin në Ballkan.

“A mundeni të paktën të mos i riprodhoni narrativat revizioniste dhe propagandistike të një regjimi që e përçau rajonin dhe që e bëri pajtimin kaq të vështirë deri më sot?”, pyeti ajo.

Fjalimi i saj u mbajt më 16 nëntor, një ditë pas interpretimit të këngës serbe në mbrëmjen hapëse të forumit në Bruksel. Fjalimi u bë në Bruksel në takimin në kuadër të forumit “Përmes pajtimit drejt zgjerimit të Bashkimit Evropian”. /Telegrafi/

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.