“Dosjet”, Doda: Parlamenti të miratojë rezolutë për dënimin e figurës së Enver Hoxhës. Subashi: Mos e bëj si mbledhje fshati

Komisioni i Sigurisë ka diskutuar sot projektligjin për hapjen e dosjeve. Gjatë diskutimeve deputetja Mesila Dodfa u shpreh se e djathta ka kërkuar që ta zgjidhë këtë çështje dhe propozoi që Parlamenti të miratojë një rezolutë të përbashkët për dënimin e figurës së Enver Hoxhës.

“E djathta ka kërkuar ta zgjidhë këtë çështje. Në 2008, ligji u hodh poshtë nga Gjykata Kushtetuese e cila në atë kohë kishte konflikt interesi. Dekomunistizimi, të ndalojmë simbolet e komunizmit. Personat e inkriminuar të largohen nga funksionet”- u shpreh Doda. Ndërsa deputeti Subashi i është kundërpërgjigjur duke i thënë se po e kthente mbledhjen e komisionit në një mbledhje fshati. “Mos e bëj si mbledhje fshati”- i është drejtuar Subashi- Dodës.