Drejtësia mbyll procesin ndaj Ecclestone kundrejt 100 milionë dollarëve

Gjykata e Mynihut njoftoi sot se i dha fund procesit për korrupsion të kreut të Formula 1, Bernie Ecclestone, në këmbim të një pagese prej 100 milionë dollarësh.

“Procedura ndërpritet, si marrëveshje e aritur mes prokurorit dhe të paditurit, sipas nenit 153a të kodit të procedurës penale që regullon këto lloj negociatsh”, deklaroi Peter Noll, presidenti i gjykatës që gjykonte këtë çështje.

Prokuroria e Mynihut deklaroi zyrtarisht sot në mëngjes se e mbështeste këtë marrëveshje. Përfaqësuesi i prokurorisë e justifikoi këtë marrëveshje duke u bazuar kryesisht tek mosha e të paditurit dhe në afatin kohor shumë të gjatë që marrin këto procedura.

Një e përditshme gjermane kishte publikuar që të shtunën se Ecclestone kishte negociuar me prokurorinë një marrëveshje për të paguar 100 milionë dollarë (74 milionë euro) për të pasur një mbyllje përfundimtare të këtij procesi