DSK rikthehet për zgjedhjet presidenciale
Mesazhi i postuar nga Dominique Strauss-Kahn (DSK )javën e kaluar për ”zbarkimin” në Twitter ishte profetik.
“Jack is back” (”Jack u kthye”) perifrazonte ish-drejtori i FMN-së në ndërkohë që sot një sondazh i rëndësishëm i jep të drejtë.
Pavarësisht të gjitha aventurave me drejtësinë, është pikërisht DSK i cili del i dyti në preferencat e të majtëve për zgjedhjet presidenciale të vitit 2017.
Sipas sondazhit botuar në numrin e sotëm të gazetës ”Liberation” se cili ishte kandidati më i mirë për të majtën, 37 për qind e të pyeturve përgjigjen Dominique Strauss-Kahn.
Vetëm kryeministri aktual, Manuel Valls doli më mirë se ai me 47 për qind dhe më pas Segolene Royal (32), Martine Aubry (28), Arnaud Montebourg (24) dhe i gjashti ishte presidenti aktual, Francois Hollande (23).
Në ndërkohë, sipas përgjigjeve të votuesve të majtë, DSK-ja ishte i pesti në radhë.
Vetëm pak ditë më parë, DSK-ja u çlirua nga akuza për shfrytëzim prostitucioni.
Në maj 2011, gjatë zgjedhjeve primare të së majtës për Elysse-un, ku ishte favorit kryesor, ai u arrestua në Nju Jork për përdhunim të një kameriereje në hotelin ”Sofitel”.
