Dy gabime në një ditë
Nga Petro Koçi
Lexova me vëmendje mesazhet e deklarimeve të sotme të kryeministrit dhe Bashkisë Tiranë.
Në gjykimin tim, duke marrë në konsideratë situatën politike dhe zgjedhjet vendore që po trokasin, qëndrimet e pazakonta të sotme janë dy gabime në një ditë.
Në komunikimin e brendshëm PS duhet t’i kthehet gjuhës konstruktive, përpjekjes për mirëkuptim dhe heqje dorë nga armiqësitë për karrierë personale, gjuha e forcës, mesazhet kërcënuese e frikëndjellëse.
Ndërkritika nuk ka pse shoqërohet me nota nervozizmi që natyrshëm perceptohen si shfaqje dobësie nga kundërshtarët, tashmë të shtuar të partisë tonë.
E vetmja trimëri që na vlen sot është ndershmëria.
E vetmja qëndrueshmëri që na vlen është të mbrojmë Republikën nga politika e re me kapuçonë dhe maska.
E vetmi reflektim që na vlen është të mirëkuptojmë kërkesat racionale të çdokujt që ka protestuar me qytetari në muajt e fundit.
I vetmi kohezion që na vlen është ai që buron nga besimi në vlerat e qytetarisë, solidaritetit, progresit dhe integrimit europian.
*Ish- deputet i PS



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.