Dy të reja në pranga në Tiranë pas zjarrit që dëmtosi banesat dhe rrezikoi një fqinj

Dy vajza u arrestuan këtë të hënë në Tiranë, pas një zjarri që shpërtheu në banesën që ato kishin marrë me qira. Ngjarja shkaktoi dëme në apartamentin e tyre dhe në disa banesa të tjera ngjitur, ndërsa një banor u dërgua në spital për shkak të asfiksisë.

Sipas TV Klan, specialistët e Hetimit të Krimeve në Komisariatin e Policisë Nr. 2 njoftuan se në pranga janë vënë shtetaset K. Sh., 25 vjeçe, dhe S. Gj., 25 vjeçe, të dyshuara se për shkak të pakujdesisë shkaktuan zjarr në banesën e tyre. Uniformat blu thanë se si pasojë janë dëmtuar banojat e tyre dhe të fqinjëve, ndërsa i dëmtuari A. K. u transportua në spital.

Incidenti ndodhi paraditen e djeshme në një kompleks pallatesh pranë Komunës së Parisit në kryeqytet. Sipas informacionit të dhënë nga autoritetet, personi me inicialet A.K. u trajtua për asfiksi dhe ndodhet jashtë rrezikut për jetën.

Rasti është duke u hetuar nga policia dhe hetimet vijojnë për të përcaktuar shkaqet e sakta dhe masat e tjera ligjore që do të ndërmerren, raporton TV Klan.