Dy ushtarakë serbë dënohen për krime lufte

Dy ushtarakë serbë, Predrag Milisavljeviç dhe Milosh Panteliç u dënuan secili me 20 vite burg nga një gjykatë e shkallës së parë, pasi u shpallën fajtorë për krime lufte.

Gjykatësit i shpallën fajtorë Predrag Milisavljeviçin dhe Milosh Panteliçin për mizori dhe vrasje në dëm të popullsisë civile myslimane në komunën e Vishegradit, gjatë muajve të parë të luftës së Bosnje (1992-95), në kuadër të sulmeve sistematike të ushtrisë dhe të policisë serbo-boshnjake dhe të formacioneve paraushtarake kundër popullsisë joserbe të Vihegradit, në Bosnjen Lindore. I dyshuari i tretë, Ljubomir Tashiç u lirua nga akuzat. Lufta në Bosnje, kulmi i shpërbërjes së Jugosllavisë, shkaktoi 100 mijë të vdekur dhe dy milionë refugjatë