E rëndë në Maltë, mbytet anija me 60 emigrantë! 10 persona humbin jetën

Të paktën 10 emigrantë kanë humbur jetën pasi anija me të cilën po udhëtonin u mbyt në brigjet e Maltës. Kështu njoftoi të dielën roja bregdetare italiane.

“Varka, e cila ishte nisur nga bregu libian, po lundronte me afërsisht 60 persona në bord. Sipas informacioneve të fundit, një anije peshkimi në zonë ka shpëtuar 48 persona të mbytur nga anija”, tha roja bregdetare në një deklaratë.

Malta ka kërkuar ndihmë nga Italia pas mbytjes së anijejes. Mbytja e anijes ndodhi afërsisht 45 milje detare në lindje/juglindje të Maltës dhe një njësi e rojes bregdetare italiane mori pjesë në kërkim këtë pasdite.

Anija e rojes bregdetare italiane deri më tani ka gjetur 10 trupa.