Elis Bakaj “spiunon” Egnatian te rumunët

Ish-mesfushori Elis Bakaj (39 vjeç), i cili jeton në Rumani ka dhënë detaje rreth Egnatia-s për mediat rumune, një ekip që premton të jetë një kundërshtar i fortë për ekipin e Universitatea Craiova në raundin e tretë të Conference League.

“Është rritur shumë. Në shtatë ose tetë vitet e fundit është rritur, ka ardhur një investitor që ka investuar si në sport ashtu edhe në infrastrukturë, dhe në tre vitet e fundit ka fituar kampionatin në Shqipëri, ka dominuar kampionatin”.

“Tek Egnatia ka paga prej 10,000, 11,000, 8,000 eurosh. Ka lojtarë afrikanë, nga Brazili, Gjeorgjia, Italia, Spanja, lojtarë interesantë, veçanërisht në fazën ofensive, të cilët mund të të shkaktojnë probleme nëse nuk je i kujdesshëm”.

“Është e vetmja ndeshje në të cilën unë mbështes Shqipërinë, mbështes ekipin nga Shqipëria. Kam lindur atje, jam rritur atje dhe, nëse do të thoja me Craiovën, nuk do të isha i saktë”, tha Bakaj, në një intervistë për Prima Sport.

Ende nuk ka komente. Bëhuni i pari që komenton.